பத்ரிநாத், கேதார்நாத், கங்கோத்ரி, யமுனோத்ரி : சார்தாம் யாத்திரை இன்று..
 

 Badrinath, Kedarnath, Gangotri, Yamunotri Sardam pilgrimage today ..

இந்துக்களின் புகழ்பெற்ற புனித தலங்கள் பத்ரிநாத், கேதார்நாத், கங்கோத்ரி, யமுனோத்ரி ஆகியவை ஆகும்.

இவை, இமயமலை அடிவாரத்தில் உள்ள உத்தரகாண்ட் மாநிலத்தில் அமைந்துள்ளன. 

புனித யாத்திரை :

இந்த 4 தலங்களை உள்ளடக்கிய புனித யாத்திரை ‘சார்தாம்’ யாத்திரை என்று அழைக்கப்படுகிறது

ஒவ்வொரு ஆண்டும் இந்த சார்தாம் யாத்திரை காலங்களில் இந்தியா மட்டுமின்றி, வெளிநாடுகளில் இருந்தும் ஏராளமான பக்தர்கள் இந்த 4 புனித தலங்களுக்கும் வந்து வழிபடுகின்றனர். 

யாத்ரீகர்கள் முதலில் யமுனோத்ரியில் வழிபாடு நடத்திவிட்டு, அதன் பின்னர் கங்கோத்ரி, கேதார்நாத் தலங்களில் தரிசனம் செய்துவிட்டு, இறுதியாக பத்ரிநாத் வந்து விஷ்ணுவை வழிபட்டு யாத்திரையை நிறைவு செய்வார்கள்.

அவ்வகையில், இந்த ஆண்டுக்கான யாத்திரை இன்று (18-ந்தேதி சனிக்கிழமை) தொடங்குகிறது.

இதற்கான ஏற்பாடுகளை உத்தரகாண்ட் முதல்வர் புஷ்கர் சிங் தாமி அறிவித்துள்ளார். 

சார்தாம் யாத்திரைக்கான தடையை, நைனிடால் உயர் நீதிமன்றம் நீக்கியதையடுத்து, இந்த அறிவிப்பு வெளியாகியுள்ளது. 

நெறிமுறைகள் :

யாத்திரையில் பங்கேற்போர், கட்டாயம் கொரோனா தடுப்பூசி செலுத்தியிருக்க வேண்டும், கொரோனா தடுப்பு நெறிமுறைகளை பின்பற்றவேண்டும், குறிப்பிட்ட அளவு பார்வையாளர்களை மட்டுமே அனுமதிக்க வேண்டும் என நீதிமன்றம் கூறியுள்ளது.

இதையடுத்து, 4 தலங்களை உள்ளடக்கிய சார்தாம் யாத்திரை இன்று தொடங்குகிறது.

Share this story