ஆன்லைன் ரம்மி தடை செய்யப்படுமா? : சட்டசபையில் இன்று மீண்டும் தாக்கல்..

தமிழக சட்டசபையில் 2023-2024-ம் ஆண்டுக்கான பட்ஜெட்  தாக்கல் செய்யப்பட்டது. அதன் தொடர்ச்சியாக வேளாண் பட்ஜெட் தாக்கல் செய்யப்பட்டது.

இந்நிலையில், ஆன்லைன் ரம்மி தடை சட்ட மசோதா இன்று  (வியாழக்கிழமை) சட்டசபையில் மீண்டும் தாக்கல் செய்யப்படுகிறது. ஆன்லைன் தடை சட்ட மசோதாவை முதல்-அமைச்சர் மு.க.ஸ்டாலின் தாக்கல் செய்து உரையாற்றுகிறார்.

நீதியரசர் சந்துரு குழு வழங்கிய பரிந்துரை அடிப்படையிலேயே மீண்டும் மசோதாவை தாக்கல் செய்ய திட்டமிட்டுள்ளனர். தடைச் சட்ட மசோதா தொடர்பாக ஆளுநர் எழுப்பிய கேள்விகள், அதற்கு அரசு அளித்த விளக்கங்களை பேரவையில் விளக்க திட்டமிடப்பட்டுள்ளது.