சச்சின் சாதனையை 'இவர்தான்' முறியடிப்பார் : முன்னாள் கேப்டன் மார்க் டெய்லர் கணிப்பு

By 
mark

இங்கிலாந்து அணியின் டெஸ்ட் கேப்டன் பதவியில் இருந்து விலகிய பிறகு, ஜோரூட் முதல் போட்டியில் சதம் அடித்தார். 

இதனால், நியூசிலாந்துக்கு எதிராக வெற்றி கிடைத்தது. அதோடு ஜோரூட் 10 ஆயிரம் ரன்னை தொட்டார். இந்த ரன்னை எடுத்த 14-வது வீரர் ஆவார். 

இந்நிலையில், டெஸ்டில் அதிக ரன் எடுத்த சச்சின் டெண்டுல்கரின் (15,921) சாதனையை ஜோரூட் முறியடிப்பார் என்று ஆஸ்திரேலிய முன்னாள் கேப்டன் மார்க் டெய்லர் நம்பிக்கை தெரிவித்துள்ளார். இது தொடர்பாக அவர் கூறியதாவது :

ஜோரூட் மிகவும் பிரமாதமாக ஆடி வருகிறார். தொடர்ந்து சிறப்பான ஆட்டத்தை வெளிப்படுத்தி வருகிறார். 

ஜோரூட் இன்னும் 5 ஆண்டுகள் விளையாடலாம். இதனால், அவரால் டெண்டுல்கரின் மிகப்பெரிய சாதனையை முறியடிக்க இயலும். 

உடல் தகுதியுடன் இருக்கும் பட்சத்தில் அவரால் 15,000 ரன்னுக்கு மேல் எடுக்க இயலும்' என்றார்.
*

Share this story