அசராத ஆட்டம் 500 : பிராவோ 'தெறி' சாதனை..
 

வெஸ்ட் இண்டீஸ் கிரிக்கெட் அணியின் ஆல்ரவுண்டர் வெய்ன் பிராவோ. 

டெஸ்ட் மற்றும் ஒருநாள் போட்டியில் ஓய்வு பெற்ற அவர், 20 ஓவர் ஆட்டங்களில் மட்டும் விளையாடி வருகிறார்.

500-வது ஆட்டம் :

இந்நிலையில், 37 வயதான பிராவோ 20 ஓவர் போட்டிகளில் 500 ஆட்டங்களில் விளையாடி சாதனை படைத்துள்ளார். அவர் கரீபியன் லீக் 20 ஓவர் தொடரில் செயிண்ட் கீட்ஸ்-நேவிஸ் பேட்ரியாட்ஸ் அணிக்கு கேப்டனாக உள்ளார்.

இறுதிப் போட்டியில் அந்த அணி 3 விக்கெட் வித்தியாசத்தில் செயிண்ட் லூசியா கிங்சை தோற்கடித்தது. இந்த போட்டி, 20 ஓவரில் பிராவோவுக்கு 500-வது ஆட்டமாகும்.

20 ஓவரில் 500 போட்டிகளில் விளையாடிய 2-வது வீரர் பிராவோ ஆவார். 

இதற்கு முன்பு வெஸ்ட் இண்டீசை சேர்ந்த பொல்லார்ட் இந்த அரிய சாதனையை படைத்திருந்தார்.

540 விக்கெட் :

பிராவோ 500 போட்டிகளில், 388 இன்னிங்ஸ் விளையாடி 6,574 ரன்கள் எடுத்துள்ளார். 540 விக்கெட் வீழ்த்தி இருக்கிறார்.

2006-ம் ஆண்டு சர்வதேச 20 ஓவர் போட்டியில், அறிமுகமான அவர் 2010-ல் டெஸ்டில் இருந்தும், 2014-ல் ஒருநாள் போட்டியில் இருந்தும் ஓய்வு பெற்றார். 

பிராவோ, சென்னை சூப்பர் கிங்ஸ் உள்பட பல்வேறு அணிகளில் இடம்பெற்று, உலகின் பல நாடுகளில் நடைபெற்றுவரும் 20 ஓவர் தொடர்களில் விளையாடி வருகிறார் என்பது குறிப்பிடத்தக்கது.
*