'தல' டோனின்னா சிங்கம்னு அர்த்தம் : தனுஷ்-லோகேஷ் கனகராஜ் பாராட்டு
டெல்லி கேப்பிடல்ஸ்க்கு எதிரான ஆட்டத்தில், மிகச் சிறப்பான பேட்டிங் மூலம், சென்னை அணியை வெற்றி பெறச் செய்தார் கேப்டன் எம்.எஸ். டோனி.
இதற்கு டோனியை, நடிகர் தனுஷ் மற்றும் இயக்குநர் லோகேஷ் கனகராஜ் பாராட்டியுள்ளனர்.
ஐபிஎல் குவாலிஃபையர் 1 ஆட்டத்தில் டெல்லி கேப்பிடல்ஸ், சென்னை சூப்பர் கிங்ஸ் அணிகள் மோதின.
முதலில் பேட் செய்த டெல்லி கேபிடல்ஸ் 172 ரன்கள் சேர்த்தது.
சேஸிங்கில் 11 பந்துகளில் 24 ரன்கள் தேவை என்ற நிலையில் களமிறங்கிய டோனி, 1 சிக்ஸர், 3 பவுண்டரி உள்பட 6 பந்துகளில் 18 ரன்கள் விளாசி, சென்னையின் வெற்றியை உறுதி செய்தார்.
இதையடுத்து, சமூக ஊடகங்களில் பாராட்டு வெள்ளத்தில் நனையத் தொடங்கினார் டோனி.
இதன்மூலம், 9-வது முறையாக இறுதிப் போட்டிக்கு முன்னேறியது சென்னை சூப்பர் கிங்ஸ்.
இந்நிலையில், நடிகர் தனுஷ் தன்னுடைய டுவிட்டர் பக்கத்தில் " 7 அவ்வளவு தான், அதுதான் டுவிட் என டோனியின் ஜெர்ஸி எண்ணை குறிப்பிட்டு பதிவிட்டுள்ளார்.
மேலும், இயக்குநர் லோகேஷ் கனகராஜ் ஒரு முறை சிங்கம் எப்போதுமே சிங்கம் என டோனியின் புகைப்படத்தை பகிர்ந்து பதிவிட்டுள்ளார்.