விம்பிள்டன் டென்னிஸ் போட்டி : 20-வது பட்டம் வெல்கிறார் ஜோகோவிச்.?
Jun 29, 2021, 17:41 IST
By
விம்பிள்டன் டென்னிஸ் போட்டியின் ஆடவர் ஒற்றையர் பிரிவில், ஜோகோவிச் பட்டம் வென்றால், 20-வது கிராண்ட்ஸ்லாம் பட்டம் வென்ற பெருமைக்கு உரியவர் ஆவார்.
கிராண்ட்ஸ்லாம் அந்தஸ்து பெற்ற விம்பிள்டன் டென்னிஸ் போட்டிகள் இங்கிலாந்தின் லண்டன் நகரில் தொடங்கி நடைபெற்று வருகிறது.
இதில், ஆடவர் ஒற்றையர் பிரிவு முதல் சுற்றுப் போட்டியில் நடப்பு சாம்பியன் மற்றும் உலகின் முதல் நிலை வீரரான செர்பியாவின் ஜோகோவிச் மற்றும் இங்கிலாந்து நாட்டின் ஜேக் டிராப்பர் ஆகியோர் மோதினர்.
முதல் செட்டை டிராப்பர் 6-4 என கைப்பற்றினார். இதையடுத்து, அதிரடியாக ஆடிய ஜோகோவிச் 2,3 மற்றும் 4-வது செட்களை வென்று அசத்தினார்.
இறுதியில், 4-6, 6-1, 6-2, 6-2 என்ற செட் கணக்கில் வெற்றி பெற்ற ஜோகோவிச் 2-வது சுற்றுக்கு முன்னேறியுள்ளார்.