ரம்ஜான் நோன்பின் நோக்கம் என்ன?
ரம்ஜான் மாதத்தில் செய்யப்படும் நற்செயலுக்காக, கூலி பன்மடங்காக இறைவன் வழங்குகின்றான்.
இறை நம்பிக்கையாளர்கள் இந்த நல்வாய்ப்பை பயன்படுத்திக் கூடுதலாக நன்மைகளை அறுவடை செய்கின்றார்கள்.
அதனால்தான், பெருமானார் (ஸல்) அவர்கள் நோன்பு திறக்கும்போது, இவ்விதமாக பிரார்த்தனை செய்வார்கள்:
'தாகம் தீர்ந்தது, நரம்புகள் நனைந்தன, கூலி உறுதியாகி விட்டது, அல்லாஹ் நாடினால்'.
நோன்பாளியின் அனைத்துச் செயல்களும் இறைவனின் கூலியை எதிர்பார்த்துதான் இருக்கின்றன.
நோன்பு திறக்க, பள்ளிவாசல்களில் செய்யப்படும் ஏற்பாடுகளும், மக்கள் அதற்காக செலவு செய்ய போட்டி போடுவதுமாக - இறை நம்பிக்கையாளர்கள் இறையருளைப் பெற காட்டும் ஆர்வம்தான் என்ன.!
கிடைக்கும் வாய்ப்புகள் அனைத்தையும் பயன்படுத்திக் கொள்கிறார்கள்.
ஆக, நன்மையான செயல்களைத் தொடர்க.!
அதுவே, ரமலான் மாதத்தின் மூலம் பெறக் கூடிய ‘தக்வா’ என்ற இறையச்சமாக திகழ முடியும்.