பிரெஞ்ச் ஓபன் டென்னிஸ் : 22-வது பட்டம் வென்று, ரபேல் நடால் மெகா சாதனை
Mon, 6 Jun 2022
பிரெஞ்சு ஓபன் டென்னிஸ், ஆடவர் ஒற்றையர் பிரிவில் சாம்பியன் பட்டத்துக்கான இறுதிப்போட்டி நடைபெற்றது.
இதில், ஸ்பெயின் வீரர் ரபேல் நடால், நார்வே வீரர் கேஸ்பர் ரூட் ஆகியோர் மோதினர்.
துவக்கம் முதலே ஆதிக்கம் செலுத்திய நடால், 6-3, 6-3, 6-0 என்ற செட் கணக்கில் கேஸ்பர் ரூட்டை வீழ்த்தி, சாம்பியன் பட்டத்தை கைப்பற்றினார். இதன்மூலம் 14-வது முறையாக பிரெஞ்சு ஓபன் பட்டத்தை வென்றுள்ளார்.
அத்துடன், இது அவருக்கு 22-வது கிராண்ட்ஸ்லாம் பட்டம் ஆகும்.
இந்த மாபெரும் சாதனை படைத்த ரபேல் நடால், இது தொடர்பாக கூறியதாவது :
'பிரெஞ்சு ஓபன் இறுதிப் போட்டியில், மிகச்சிறந்த வீரர் கேஸ்பருடன் விளையாடியது மிகவும் மகிழ்ச்சி அளிக்கிறது.
அவர் சிறந்த சாதனையாளர். அவரது சாதனைகளுக்காக, அவருக்கு வாழ்த்து தெரிவிக்கிறேன்' என நடால் குறிப்பிட்டார்
*