டி20 உலகக்கோப்பை கிரிக்கெட் : நெதர்லாந்தை வீழ்த்தியது பாகிஸ்தான்; ரன்ஸ் விவரம்..

டி20 உலகக்கோப்பை தொடர் ஆஸ்திரேலியாவில் நடந்து வருகிறது. இதில் தற்போது சூப்பர் 12 சுற்று ஆட்டங்கள் நடைபெற்று வருகின்றன.

இன்று நடைபெறும் 2-வது போட்டியில் பாகிஸ்தான், நெதர்லாந்து அணிகள் மோதின. டாஸ் வென்ற நெதர்லாந்து அணி பேட்டிங் தேர்வு செய்தது. அதன்படி, முதலில் ஆடிய நெதர்லாந்து அணிக்கு பாகிஸ்தான் பந்து வீச்சாளர்கள் துல்லியமாக பந்து வீசி நெருக்குதல் கொடுத்தனர்.

சீரான இடைவெளியில் விக்கெட்டுகள் விழுந்தன. அந்த அணியின் ஆக்கர்மேன் 27 ரன்னும், ஸ்காட் எட்வர்ட்ஸ் 15 ரன்னும் எடுத்தனர். இறுதியில், நெதர்லாந்து அணி நிர்ணயிக்கப்பட்ட 20 ஓவரில் 91 ரன்கள் மட்டுமே எடுத்தது.

இதையடுத்து 92 ரன்கள் எடுத்தால் வெற்றி என்ற இலக்குடன் பாகிஸ்தான் களமிறங்கியது. பாகிஸ்தான் சார்பில் ஷதாப் கான் 3 விக்கெட்டும், முகமது வாசிம் ஜூனியர் 2 விக்கெட்டும் வீழ்த்தினர். பின்னர் பாகிஸ்தான் அணி வெற்றி இலக்கை அடைய விளையாடி வந்தனர்.

இறுதியில் 13.5 ஓவரில் 95 ரன்கள் எடுத்து 4 விக்கெட்டுகளை வீழ்த்து பாகிஸ்தான் அணி வெற்றிப்பெற்றது. இதில் முகமது ரிஸ்வான் 39 பந்துகளில் 49 ரன்களும், பாபர் அசாம் 5 பந்துகளில் 4 ரன்களும், பாகர் சமான் 16 பந்துகளில் 20 ரன்களும், ஷான் மசூத் 16 பந்துகளில் 12 ரன்கள் எடுத்து ஆட்டமிழந்தனர்.

தொடர்ந்து இப்திகார் அகமது 6 ரன்கள் மற்றும் ஷதாப் கான் 4 ரன்கள் எடுத்து ஆட்டமிழக்காமல் இருந்தனர். பாகிஸ்தான் அணியில் அதிகபட்சமாக தொடக்க வீரர் ரிஸ்வான் 49 ரன்கள் அடித்தார்.