தரவரிசைப் பட்டியலில், கோலி, ரோகித், ராகுல், பாபர் அசாம் பெற்ற இடம் : ஐசிசி அறிவிப்பு

Goalie, Rohit, Rahul, Babur Assam ranked in ICC rankings

பாகிஸ்தான், வெஸ்ட் இண்டீஸ் அணிகளுக்கு இடையேயான 3 போட்டிகள் கொண்ட டி20 தொடர் சமீபத்தில் நடந்து முடிந்தது. 

இதில், பாகிஸ்தான் 3-0 என்ற கணக்கில் தொடரை முழுமையாக கைப்பற்றியது.

விராட் கோலி :

இந்நிலையில், டி20 தொடருக்கான புதிய தரவரிசைப் பட்டியலை ஐசிசி வெளியிட்டது. இதில், பேட்ஸ்மேன்கள் தரவரிசை பட்டியலில் இந்திய அணியின் முன்னாள் கேப்டன் விராட் கோலி வரலாறு காணாத அளவு சரிவைக் கண்டுள்ளார்.

டாப்-10 இடத்தில் ஆதிக்கம் செலுத்தும் விராட் கோலி இம்முறை டாப் 10-ல்  இருந்து வெளியேறியுள்ளது ரசிகர்களிடம் அதிர்ச்சியை ஏற்படுத்தியுள்ளது .
 
ரோகித்-ராகுல் :

பேட்ஸ்மேன்கள் தரவரிசைப் பட்டியலில் இங்கிலாந்து அணியின் டேவிட் மலான் முதலிடத்திலும், தென் ஆப்பிரிக்க அணியின் மார்க்ரம் 2-வது இடத்திலும், பாகிஸ்தான் அணி கேப்டன்  பாபர் அசாம் 3-வது இடத்திலும் உள்ளனர்.

பாகிஸ்தானின் முகமது ரிஸ்வான் 4-வது இடத்திலும், இந்தியாவின் கே.எல்.ராகுல் 5-வது இடத்திலும் உள்ளனர்.

முன்னாள் கேப்டன் விராட் கோலி 657 புள்ளிகளுடன் தரவரிசைப் பட்டியலில் 11-வது இடத்திற்கு சரிவடைந்துள்ளார். ரோகித் சர்மா 13-வது இடத்தைப் பிடித்துள்ளார்.

ஐசிசி வெளியிட்டுள்ள பந்து வீச்சாளர் மற்றும் ஆல் ரவுண்டர் தரவரிசைப் பட்டியலில் முதல் 10 இடங்களில் இந்திய வீரர் ஒருவரும் இடம்பெறவில்லை.
*

Share this story