தரவரிசையில், கோலி-ரோகித்தை முறியடித்தார் அஸ்வின்
ஐசிசி வெளியிட்ட ஆல் ரவுண்டர் தரவரிசையிலும், இந்தியாவின் அஸ்வின் இரண்டாவது இடத்தில் நீடிக்கிறார் என்பது குறிப்பிடத்தக்கது.
சர்வதேச கிரிக்கெட் கவுன்சில், டெஸ்ட் போட்டிகளுக்கான தரவரிசைப் பட்டியலை வெளியிட்டது.
இதில், பந்து வீச்சாளர்கள் பட்டியலில் இந்திய அணியின் சுழற்பந்து வீச்சாளர் அஸ்வின் 2-வது இடம் வகிக்கிறார்.
முதல் இடத்தில் ஆஸ்திரேலியாவின் பாட் கம்மின்ஸ் உள்ளார். 3-ம் இடத்தில் நியூசிலாந்தின் கைல் ஜேமிசன் உள்ளார். முதல் 10 இடங்களுக்குள், இந்திய வீரர் அஸ்வின் மட்டுமே இடம் பெற்றுள்ளார்.
இதேபோல், பேட்டிங் தரவரிசையை பொறுத்தவரை முதல் இடத்தில் ஆஸ்திரேலியாவின் லபுசேன் உள்ளார். 2-ம் இடத்தில் இங்கிலாந்தின் ஜோ ரூட்டும், 3-ம் இடத்தில் ஸ்டீவ் ஸ்மித்தும் உள்ளார்.
4-ம் இடத்தில் கேன் வில்லியம்சனும், 5-ம் இடத்தில் இந்தியாவின் ரோகித் சர்மாவும் உள்ளனர்.
இந்திய அணி கேப்டன் விராட் கோலி 9-ம் இடத்தில் உள்ளார்.
*